Korleis kome i gang med smarte, sirkulære løysingar
i di produksjonsbedrift?

Onsdag den 12. februar inviterer vi til fagdag i Stryn om temaet endring, digitalisering, og grøn omstilling for produksjonsbedrifter.

Norsk industri er i gang med storstilt omstilling, og Sogn og Fjordane skal vere med på laget.

Gjennom prosjektet SmartSirk (Smarte Fabrikker og Sirkulære Produkt) er Nordfjord-bedriftene West Mekan og Brødrene Aa i gang med å tenkje nytt, både rundt produktdesign, produksjonsprosess og forretningsmodell.

Vi vil dele kunnskap og erfaringar frå prosjektet med fleire bedrifter i regionen, og inviterer difor til fagdag!


Gjennom dagen vil vi mellom anna:

  • lære om korleis ein går frå idéen om endring til å sette i gang endringsprosessen,

  • høyre om prosjekta til Brødrene Aa og West Mekan,

  • lære om kva mulegheiter som fins innafor digitalisering og robotisering,

  • få tips om korleis bedrifta di kan få hjelp til å finne både kompetanse og økonomisk stønad til endrings- og utviklingsprosjekt.

  • bli med på omvising i produksjonslokala til Nomek.

  • prate med fagekspertar og representantar frå andre bedrifter i regionen.

Program:

  • Intro og velkommen

  • Sirkulærøkonomi og norsk produksjonsindustri, v/ Lea Myklebust, Kunnskapsparken Vestland

  • Om SmartSirk-prosjektet, v/ Odd Myklebust, SINTEF

  • Korleis starte arbeidet for endring, v/ Emrah, SINTEF

  • Brødrene Aa sitt case i SmartSirk v/ Lars Endre Gimmestad, Brødrene Aa

  • Teknologi: mulegheiter innafor tagging/sensorering, instrumentering, og bruk av innsamla data, v/ Endre Sølvberg, SINTEF

  • Mulegheiter i nye forretningsmodellar, v/ Håkon Raabe, SINTEF

  • West Mekan sitt case i SmartSirk

  • Mulegheiter i automatisering og robotisering, v/ Chiara Zarna, SINTEF

  • Støtteordningar for utviklingsprosjekt, v/ Jøril Hovland, Kunnskapsparken Vestland

  • Kort intro om Nomek, v/ Jon-Rune Heimlid, Nomek

  • Spørsmål og sparring

  • Omvisning hos Nomek

Praktisk info:

Kor: Stryn
Når: Onsdag den 12. februar, kl. 09:30-15.
Påmelding nederst på sida.

Det blir servert lunsj.

Om SmartSirk

SmartSirk (Smarte fabrikker og sirkulære produkt) er eit “Grøn plattform-prosjekt” med 12 bedrifter i prosjektgruppa, derav 4 industri-case-bedrifter (to i Nordfjord og to på Jæren), to forskingsinstitusjonar (Sintef og SNF), to næringslivsbedrifter (inkludert oss i Kunnskapsparken Vestland), samt tre teknologibedrifter og katapulten MTNC.

Les meir om prosjektet her: 55 millionar til sirkulære løysingar i norsk produksjonsindustri!.

Og på heimesida til prosjektet: SmartSirk.no

Påmelding:

Påmelding innan fredag 7. februar.