Mange aktørar har allereie gjennomført byggeprosjekt med berekraft i fokus, og erfaringar dei har får vi høyre om på seminaret.

Eit lokalt døme er i Luster, der SIMAS sette opp ny miljøpark med høg bruk av ombruksmateriale. Og i Oslo er det gjennomført nokre større prosjekt. Høegh eigedom var byggherre for HasleTre, eit fire etasjars bygg i massivtre designa for demontering, Askara arkitekter hadde regi når Kristian Augusts gate 23 (KA23) skulle rehabiliterast med ombruk i fokus, og Haandverkerne var entreprenør for Entra da Kristian Augusts gate 13 (KA13) blei renovert og bygd på. Prosjektet hadde stort berekraftsfokus med blant anna utsleppsfri byggeplass og ein ombruksgrad på 80 %.

Vi gledar oss til å høyre dei fortelje meir om desse prosjekta.

Enova, Innovasjon Norge og Direktoratet for økonomi og forvaltning (DFØ) er aktive pådrivarar for omstilling og tilbyr finansielle støtteordningar og program for auka samarbeid. Representantar for desse organisasjonane kjem og fortel meir om korleis dei kan vere til hjelp.  

Ei oversikt over alle foredragsholdarar finn du nedst i artikkelen.

Difår må vi ta grep:

Det har kome fleire nye krav og forventningar til industrien og næringslivet dei siste åra og vi kan forventa fleire krav framøver. Det betyr at alle må tenkje nytt frå den aller første idèfase til planlegging,  prosjektering og gjennomføring.

Gjennom EØS-avtalen har Norge forplikta seg til å jobbe etter EUs rammedirektiv for avfall. I dette direktivet står det at 70 % av avfallet frå byggebransjen skal ombrukast eller materialgjenvinnast. 

Bygg- og eigedomssektoren står for 15 % av klimagassutsleppa i Noreg og heile 25 % av avfallsproduksjonen. Tal frå SSB (2020) viser at omtrent 44 % av avfallet frå nybygging, rehabilitering og riving i Noreg vart ombrukt eller gjekk til materialgjenvining.  Dette er en reduksjon frå 50 % materialgjenvinning i 2014. Vi har med andre ord ein veg igjen å gå og ein jobb å gjera.   

Det er mange gode grunnar til å jobba mot målet om 70 % ombruk eller materialgjenvinning. Ein rapport frå SINTEF ansler at 20 % reduksjon i materialbruk kan gi  reduksjon på 10 millionar tonn CO2-ekvivalentar per år. Redusert bruk av nyproduserte material vil også redusere inngrep i natur og påverknad på naturmangfold. Ein anna grunn til å auke materialgjenvinning og ombruk er potensialet for auka sysselsetting og verdiskaping.